(versión original)
Deciseis años tinía
guapos años guayasperos
que xueguen y salten
semellando xilgueros.
Yeres una neña Aída
que na rexón asturiana
xugabes dando a la comba
ú tos amigues saltaben.
Llegó la güelga d’Ochobre
fuste revolucionaria
tu ya non coyiste comba
que coyiste la metralla.
Colos pergafos mineros
qué bien tu la remanabes
Salíes colos primeros
bricando per barricaes.
Y cuando más se encendín
los glayios n’amarraza
dieste col llombu na terra
furó to pierna una bala.
Los mozos, los comunistes
quixeron dir a salval
¡Valoratible so vida!
¡so vida de llibertaria!
Nun hubo quien lo algamara
rabiones de metralleta
sos cuerpos afuracaron
a la vera la rapaza.
Ya lleguen los asesinos
“¿Tú cómo te llames, guaja?”
Tú dixisti puñu en riba
“¡Comunista llibertaria!”
Nun acabasti decilo,
la to voz nun vocinglaba
del menudín del to cuerpu
fixo un cribu tanta bala.
Y esi vestidín tan guapo
coles manches roxes
guardaranlu con gran ciñu
to ma y la bona la to hermana.
Serás de los asturianos
l’exemplu de la so casta
y has ser de los mineros
so bandera proletaria.
Pola sangre que vertiesti
xorrecerán más rosales
nesta rexón asturiana
con roses bien corollaes.
Y nel 14 d’Abril (y a primeros de Ochobre)
glayarán per toa España
les mocedaes marxistes
coses de la llibertaria.
No hay comentarios:
Publicar un comentario
Me encantaría saber qué te ha parecido.